[cov2019]
الرئيسية / فن ومشاهير / هالة صدقي عن مقالب رامز جلال: مفبركة

هالة صدقي عن مقالب رامز جلال: مفبركة

اخبار ع النار - تحدثت الفنانة هالة صدقي، عن مشاركتها في برامج المقالب، ورفضها الظهور مع الفنان رامز جلال في برنامجه الرمضاني، موضحة أن ما يُعيب رامز هو أمر واحد، «الجزء الأول بتاع الحلقة بس هو اللي فيه مشكلة، اللي هو السخرية من الضيف»، موضحة أن رامز قد طلبها لإجراء مقلب بها ووافقت على الأمر

وأضافت «صدقي»، أنها وافقت في بداية الأمر كونه يقدم للمشاهدين أمر مضحك وعمل درامي، «دي كلها طبعا حاجات متفبركة»

وتابعت: «طلبت أشوف الحلقة كلها بعد المونتاج قالولي لا، علشان بتتعمل مونتاج برة مصر، قولتلهم هسافر أشوفها، قالوا لا مينفعش، فطبعا رفضت، أنا اللي يضايق مش مقلب رامز، اللي بيضايقيني الإهانات والتعليقات اللي بيقولها على فنانين كبار، احنا رموز فنية مهمة، مينفعش نتهان كده»

وعن كثرة مشاهدة المواطنين لبرامج رامز رغم ذلك الإهانات، أضافت: «الناس بالنسبة للوسط الفني بيحبوا يشفوهم كده، فيه غل في طبيعة البشر عاوزه تشوف الفنانين وهما بيتبهدلوا، طول النهار على «فيس بوك» يقرأوا ده أخذ كام مليون وده سافر بطيارة خاصة لما يلاقوهم بيتبهدلوا بيرتاحوا نفسيًا»

وأوضحت «صدقي»، أنها رغم هجومها على رامز جلال، إلا أنها ظهرت في برنامج رامز في الأدغال، مع الفنان هاني رمزي: «هاني كان قايل إن فيه مقلب بس مش قايل المقلب إيه، فلوس رامز أكثر من هاني، ورامز صحبي أكتر من هاني، واتعرض عليا من رامز وأتعرض عليا من هاني، وطلعت مع هاني علشان المبدأ حلو»

وتابعت: «ولادي بيحبوا يتفرجوا على رامز جلال، وبيقولولي يا مامي بيلز روحي، قولتلهم يرضيكم أمكم تتهان، أنا ممكن أتهان واتشتم في مسلسل في عمل درامي لكن كهالة صدقي متشتمش»

تابعوا صفحة وكالة اخبار ع النار على الفيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تنويه
• تتم مراجعة جمع التعليقات، وتنر عند الموافقة عليها فقط.
• تحتفظ " وكالة اخبار ع النار " بحق حذف أي تعليق، ساعة تشاء، ون ذكر الأسباب.
• لن ينشر أي تعلق يتضمن إساءة، أو خروجا عن الموضوع محل التعليق، او يير ـ تصريحا أو تليحا ـ إلى أسماء بينها، او يتعرض لإثارة النعرات الطائفية أوالمذهبية او العرقية.
• التعليقات سفيرة مرسليها، وتعبر ـ ضروة ـ عنهم وحدهم لي غير، فكن خير مرس، نكن خير ناشر.
الموقع مرخص بموجب أحكام المطبوعات و النشر و يمنع الاقتباس أو إعادة النشر بدون ذكر المصدر ( اخبار ع النار ) تحت طائلة المسؤولية القانونية